Áfanginn er erlent samstarfsverkefni þar sem unnið er með menningararfleifð. Annars vegar er kannað hvað menningararfleifð er, mikilvægi hennar og hvers vegna hún er nauðsynleg fyrir jafnrétti samfélaga og því mikilvægur liður í alþjóðasamfélaginu. Á hinn bóginn er kannaður munur milli áþreifanlegs og óáþreifanlegs menningararfs, merking óáþreifanlegra þátta ólíkra menningarheima, auk þess að kortleggja þá stafrænt. Áfanginn einblínir á að kenna nemendum mikilvægi varðveislu á óáþreifanlegum menningararfi.
Nemandi skal hafa öðlast þekkingu og skilning á:
varðveislu menningararfleifðar
stöðu menningararfleifðar
mikilvægi menningararfleifðar
áþreifanlegum og og óáþreifanlegum menningarheimum
alþjóðlegri samvinnu varðandi menningararf
merkingu ólíkra menningarheima
mikilvægi jafnréttis og menningararfleifðar
fjölbreyttum leiðum varðveislu lifandi hefða
Nemandi skal hafa öðlast leikni í að:
lesa efni um menningararf
vinna saman í menningarmálum
átta sig á áþreifanlegum og óáþreifanlegum menningararfi
skoða og kanna ólíka menningarheima
kortleggja menningararf stafrænt
flokka mismunandi tegundir menningararfs
útskýra og beita hugtakinu sjálfbærni í menningarmálum
ræða og rökstyðja val á menningararfi
Nemandi skal geta hagnýtt þá almennu þekkingu og leikni sem hann hefur aflað sér til að:
hafa áhrif á nærsamfélag
skilja umræðu og hugtök tengd menningararfi
geta tekið virkan þátt í umræðu um ákvarðanatöku um varðveislu menningararfleifðar
taka ábyrga og gagnrýna afstöðu til menningarmála og rökstyðja þá afstöðu
sýna ábyrgð í eigin umgengni við menningararf
öðlast heildstæða mynd af vanda sem ógnar framtíð óáþreifanlegs menningararfs og mikilvægi alþjóðahyggju í þessum málaflokki
átta sig á áhrifum hvers einstaklings sem samfélagsþegn á sitt menningarsamfélag
taka þátt í nýsköpun sem leiðir til sjálfbærni í menningarmálum
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.