Í áfanganum horfir nemandinn á kvikmyndir sér til ánægju og yndisauka. Miðað er við að horfa á eina bíómynd í fullri lengd í viku hverri auk þess að skila inn vikulegu verkefni sem tengist myndinni. Að auki munu nemendur kynnast stuttmyndum. Áhersla er lögð á fjölbreytt val kvikmynda og að nemendur kynnist uppruna þeirra ásamt því að kynna sér leikara og leikstjóra. Nemendur kynnast mismunandi flokkum kvikmynda, einkennum þeirra og innihaldi.
INNF1IF05/INNL1IL05
Nemandi skal hafa öðlast þekkingu og skilning á:
Mismunandi tegundum kvikmynda
Kvikmyndum sem sem afþreyingar og fræðslu miðl
Frásagnarformi og listformi kvikmynda
Nemandi skal hafa öðlast leikni í að:
Horfa á kvikmyndir sér til gagns og gamans
Skilja einkenni mismunandi tegunda kvikmynda
Draga fram aðalatriði og einkenni myndarinnar
Greina mismunandi tegundir kvikmynda og hver munurinn er á þeim
Nemandi skal geta hagnýtt þá almennu þekkingu og leikni sem hann hefur aflað sér til að:
Geta fjallað um kvikmyndir á gagnrýninn hátt
Tjá rökstudda afstöðu og taka þátt í málefnalegri umræðu um kvikmyndir
Nýta ný hugtök og orðaforða sem tengjast kvikmyndum í ræðu og riti
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega og skili öllum verkefnum.