Í þessum áfanga læra nemendur um starfsemi safna og hvaða þýðingu söfn hafa fyrir samfélagið.
Nemendur læra grundvallarhugtökin söfnun, varðveisla, rannsóknir og miðlun. Nemendur munu skoða menningarstofnanir, safn, listasafn, og byggðasöfn og kynnast innri starfsemi safna.
INNF1IF05
Nemandi skal hafa öðlast þekkingu og skilning á:
starfsemi safna og menningarstofnana
hlutverki safna og menningarstofnana í samfélaginu
tengingu safnafræðinnar við nærsamfélagið
mikilvægi gagnrýninnar hugsunar í tengslum við sögu, menningararf og varðveislu
Nemandi skal hafa öðlast leikni í að:
beita gagnrýninni hugsun á uppbyggilegan hátt
nýta þekkingu sína í rannsóknir
að nýta sér safnkost í nærumhverfi sínu
Nemandi skal geta hagnýtt þá almennu þekkingu og leikni sem hann hefur aflað sér til að:
tjá rökstudda afstöðu og taka þátt í málefnalegri umræðu um söfn
meta eigin frammistöðu og annarra á gagnrýninn hátt
beita gagnrýninni hugsun og viðurkenndum aðferðum við að koma skoðunum sínum á viðfangsefnum greinarinnar á framfæri
Í áfanganum er leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.