Áfanginn miðar að því að nemendur verði læsir á styrkleika sína í námi og kunni að nýta þá. Nemendur eflist sem námsmenn og kynnist ýmsum þáttum sem hafa áhrif á frammistöðu og líðan í námi. Sérstök áhersla er lögð á að efla sjálfstæði nemenda í námi, áhugasvið og að hver nemandi finni eigin leiðir til að ná árangri í náminu og setji sér raunhæf markmið. Nemendur kynnast aðferðum, leiðum og forritum til að styðja við góðar námsaðferðir með það að markmiði að efla þá til sjálfstæðis í námi.
Nemandi skal hafa öðlast þekkingu og skilning á:
árangursríkum aðferðum í námi
að námsvenjur og aðrar lífsvenjur geta haft áhrif á nám
aðferðum til að setja sér raunhæf markmið í námi sínu
ýmissi stafrænni tækni sem hægt er að nýta í námi
styrkleikum og þrautseigju almennt og sérstaklega í námi
Nemandi skal hafa öðlast leikni í að:
nýta lífsvenjur sem hafa jákvæð áhrif á árangur í námi
nýta tækni til að styðja við nám sitt
efla minni og einbeitingu
temja sér jákvætt hugarfar og líðan
setja sér markmið og nýta tímastjórnun
viðhafa sjálfstæð vinnubrögð
taka ábyrgð á eigin námi
Nemandi skal geta hagnýtt þá almennu þekkingu og leikni sem hann hefur aflað sér til að:
skipuleggja námslotur sínar
nýta námstækniaðferðir og leiðir til að efla færni sína til náms
leggja mat á stöðu sína og skipuleggja nám sitt í takt við hana
setja sér raunhæf markmið í námi
beita viðeigandi stafrænni tækni til hjálpar í námi
taka ábyrgð á eigin námi með því að nýta skipulag og tímastjórnun
Í áfanganum er viðhaft leiðsagnarmat með símati alla önnina. Öll verkefni gilda til einkunnar og er mikilvægt að nemendur stundi námið reglulega.