Nemendur útfæra verkefni sem sveinsprófsnefnd leggur fyrir og framkvæma í samræmi við kröfur nefndarinnar. Áhersla er lögð á að nemendur sýni vandvirkni, skipuleg vinnubrögð og góða umgengni. Í lokaverkefninu geta komið fyrir allir þeir þættir sem koma við sögu í málun ökutækja. Nemendur verða að gera sér grein fyrir að tímamörk eru á verkefnum. Þess er gætt að farið sé eftir fyrirmælum framleiðenda um notkun efna, tækja og persónuvarna.
Nemendur þurfa að hafa lokið öllum öðrum áföngum á námsbraut í bílamálun.
Nemandi skal hafa öðlast þekkingu og skilning á:
Öllum vinnuaðferðum og tæknibúnaði sem beita þarf við undirbúning og málun ökutækja.
Leiðbeiningum bílaframleiðenda. TDS og SDS.
Verklýsingum og vinnuferlum þegar verið er að gera við ökutæki.
Persónuvörnum sem nota skal við viðgerðir á ökutækjum.
Nemandi skal hafa öðlast leikni í að:
Útfæra verkefni eftir fyrirmælum sveinsprófsnefndar við efnisval og framkvæmd verkefnis.
Meðhöndla öll þau efni sem þarf til að viðgerð standist kröfur sveinsprófsnefndar.
Beita þeim aðferðum sem þarf til að viðgerð sé viðunandi.
Velja þau tæki, tæknibúnað og verkfæri sem við á hverju sinni.
Ganga vel um verkfæri og hafa vinnuaðstöðu sína snyrtilega.
Nota viðeigandi persónuvarnir.
Gera greinargóðu verklýsingu á unnu verki.
Nemandi skal geta hagnýtt þá almennu þekkingu og leikni sem hann hefur aflað sér til að:
Framkvæma verkefni er krefjast þekkingar og eru í samræmi við verkáætlun og hönnun lokaverkefnis frá sveinsprófsnefnd.
Vinna þannig að endanlegt útlit og áferð sé í fullu samræmi við verkáætlun.
Vinna í fullu samræmi við viðurkenndar aðferðir framleiðenda ökutækja og efnisframleiðenda (OEM, TDS og SDS).
Velja réttan búnað, tæki og efni.
Skrifa greinargóða verklýsingu.
Nota persónuvarnir á réttan hátt svo enginn skaði hljótist af.
Símat. Verkefni sem tengjast hæfniviðmiðum áfangans verða lögð fyrir og metin.