Nemendur fá þjálfun í meðhöndlun á efnum og verkfærum sem unnið er með við sprautumálun á ökutækjum. Áhersla er lögð á þær vinnuaðferðir sem henta viðkomandi vinnuáætlun sem nemandi fær í hendur. Áhersla lögð á að fara eftir fyrirmælum framleiðenda um notkun efna og tækja og nota TDS og SDS.
Vinnuaðferðir og tækni 5
Nemandi skal hafa öðlast þekkingu og skilning á:
Vinnuaðferðum og tæknibúnaði sem beita þarf við undirbúning og málun ökutækja.
Leiðbeiningum bílaframleiðenda og mikilvægi þess að farið sé eftir þeim fyrirmælum.
TDS, SDS til að geta farið eftir þeim.
Verklýsingum og vinnuferlum þegar verið er að gera við ökutæki.
Persónuvörnum sem nota skal við viðgerðir á ökutækjum.
Nemandi skal hafa öðlast leikni í að:
Meðhöndla öll þau efni sem þarf til að viðgerð standist kröfur framleiðanda.
Beita þeim aðferðum sem þarf til að viðgerð sé viðunandi.
Velja þau tæki, tæknibúnað og verkfæri sem eiga við hverju sinni.
Ganga vel um og hafa snyrtilegt í kringum sig.
Þrífa verkfæri og tæki.
Nota þær persónuvarnir sem nota skal við viðgerðir á ökutækjum.
Gera greinargóða verklýsingu á unnu verki.
Nemandi skal geta hagnýtt þá almennu þekkingu og leikni sem hann hefur aflað sér til að:
Að gera verkáætlanir og magnáætlun um notkun efna við tiltekið verk.
Vinna eftir verkáætlun til þess að endanlegt útlit og áferð sé í fullu samræmi við kröfur viðskiptavinar.
Vinnan sé í fullu samræmi við viðurkenndar aðferðir framleiðenda ökutækja og efnis (OEM, TDS og SDS) Velja réttan búnað, tæki og efni til notkunar.
Skrifa greinargóða verklýsingu á því verki sem unnið er.
Nota persónuvarnir á réttan hátt svo enginn skaði hljótist af.
Símat. Verkefni sem tengjast hæfniviðmiðum áfangans verða lögð fyrir og metin.