Gerðar einfaldar æfingar í meðferð og umhirðu tækja og tæknibúnaðar. Farið yfir framkvæmd á vinnuferli sem fylgir sprautumálun. Efnisþættir eru tveggja þátta spartl og málun á grunni. Nemendur læra að fara eftir fyrirmælum framleiðenda. Farið yfir þær persónuvarnir sem skal nota við spörtlun og grunnun.
Nemandi skal hafa öðlast þekkingu og skilning á:
Helstu verkfærum og tækjabúnaði.
Viðhaldi og viðgerðum á máluðu yfirborði ökutækja.
Uppbyggingu málningarlaga.
Vali málningarefna fyrir smærri og stærri farartæki.
Persónuvörnum sem nota skal við viðgerðir á ökutækjum.
Leiðbeiningum bílaframleiðenda.
TDS og SDS lakkframleiðenda.
Verkskýrslum.
Nemandi skal hafa öðlast leikni í að:
Nota verkfæri og tæki til viðgerðar á máluðum flötum bifreiða.
Meta ástand og viðgerðir á máluðu yfirborði bifreiða.
Meta uppbyggingu málningarlaga út frá leiðbeiningum bíla- og lakkframleiðenda.
Velja réttan búnað og efni til notkunar eftir leiðbeiningum framleiðanda (OEM) og eftir stærð ökutækja.
Nota persónuvarnir á réttan hátt svo enginn skaði hljótist af.
Fylla út og skrifa greinagóða verklýsingu.
Nemandi skal geta hagnýtt þá almennu þekkingu og leikni sem hann hefur aflað sér til að:
Velja þau tæki, tæknibúnað og verkfæri sem við eiga hverju sinni
Nota rétt efni við vinnu sína.
Mála smærri og stærri ökutæki.
Gera greinagóða verklýsingu á unnu verki.
Nota viðeigandi persónuvarnir.
Símat. Verkefni sem tengjast hæfniviðmiðum áfangans verða lögð fyrir og metin.