Nemendur nýta sér þá þekkingu, leikni og hæfni sem þeir hafa öðlast til þess að vinna verkefni sjálfstætt. Vinna eftir verk- eða vinnuáætlun til þess að endanlegt útlit og áferð sé í fullu samræmi við þær kröfur sem gerðar eru og í fullu samræmi við viðurkenndar aðferðir framleiðenda ökutækja og efna.
Vinnuaðferðir og tækni 1.
Nemandi skal hafa öðlast þekkingu og skilning á:
Vinnuaðferðum og tæknibúnaði sem beita þarf við undirbúning og málun ökutækja.
Notkun á réttum hlífðarbúnaði.
Nemandi skal hafa öðlast leikni í að:
Meðhöndla vatnsefni.
Nota blautt í blautt aðferðir.
Eyða út litum og glæru.
Pakka inn til að ná sem bestri útkomu.
Ganga vel um vinnusvæði og halda því snyrtilegu
Þrífa verkfæri og tæki.
Nemandi skal geta hagnýtt þá almennu þekkingu og leikni sem hann hefur aflað sér til að:
Gera verkáætlanir og magnáætlun um notkun efna í tilteknu verki.
Vinna eftir verkáætlun til þess að endanlegt útlit og áferð sé í fullu samræmi við kröfur viðskiptavinar og viðurkenndar aðferðir framleiðenda ökutækis og efnisframleiðenda.
Símat. Verkefni sem tengjast hæfniviðmiðum áfangans verða lögð fyrir og metin.