Fjallað er um mismunandi gerðir bilana í hreyflum. Farið er yfir skipulag og framkvæmd bilanagreininga. Unnin eru verkefni í skipulagi og framkvæmd bilanagreininga á hreyflum. Áhersla er á nákvæmt skipulag, notkun mælitækja, mat á niðurstöðum mælinga og notkun tækniupplýsinga.
Rafmagnsfræði og mælingar, Uppbygging og virkni brunahreyfla, Stjórnbúnaður brunahreyfla, Vélarskoðun og viðgerðir brunahreyfla.
Nemandi skal hafa öðlast þekkingu og skilning á:
Mikilvægi skiplags við bilanagreiningar.
Gerð skipulags fyrir bilanagreiningu.
Notkun mælitækja við bilanagreiningar.
Niðurstöðum mælinga á hreyflum, raf- og vélbúnaði.
Nemandi skal hafa öðlast leikni í að:
Útskýra mikilvægi skipulags bilanagreininga.
Framkvæma bilanagreiningar á hreyflum, raf- og vélbúnaði á skipulagðan hátt.
Nota viðeigandi mælitæki og tækniupplýsingar.
Nemandi skal geta hagnýtt þá almennu þekkingu og leikni sem hann hefur aflað sér til að:
Framkvæma bilanagreiningar á hreyflum, raf- og vélbúnaði á skipulagðan hátt.
Framkvæma öruggar og hagkvæmar viðgerðir á hreyflum, raf- og vélbúnaði.
Símat. Verkefni sem tengjast hæfniviðmiðum áfangans verða lögð fyrir og metin.