Farið er í uppbyggingu og virkni mismunandi ræsi- og hleðslukerfa í bensín- og dísilbílum. Framkvæmdar eru bilanagreiningar og viðgerðir á kerfunum og íhlutum. Áhersla er á notkun mælitækja og tækniupplýsinga og mat á niðurstöðum mælinga.
Rafmagnsfræði og mælingar.
Nemandi skal hafa öðlast þekkingu og skilning á:
Virkni ræsi- og hleðslukerfa.
Virkni helstu íhluta.
Helstu aðferðum og mælitækjum við bilanagreiningu.
Helstu aðferðum og tækjum við viðgerðir á íhlutum.
Nemandi skal hafa öðlast leikni í að:
Útskýra virkni ræsi- og hleðslukerfa.
Framkvæma bilanagreiningu og viðgerðir á ræsi- og hleðslukerfum.
Nota viðeigandi mælitæki og tækniupplýsingar.
Nemandi skal geta hagnýtt þá almennu þekkingu og leikni sem hann hefur aflað sér til að:
Bilanagreina og lagfæra ræsi- og hleðslukerfi.
Útskýra virkni ræsi- og hleðslukerfa og helstu orsakir bilana.
Símat. Verkefni sem tengjast hæfniviðmiðum áfangans verða lögð fyrir og metin.