Í áfanganum er farið yfir uppbyggingu, virkni og hlutverk mismunandi fjöðrunarbúnaðar í bifreiðum. Fallað er um fræðilega þætti fjöðrunar, mismunandi útfærslur og hlutverk og virkni íhluta og fjöðrunar í heild. Unnin eru verkefni í ástandsskoðun og bilanagreiningu kerfanna og viðgerðum á þeim. Farið er yfir notkun réttra verkfæra, tækja og tækniupplýsinga við þjónustu og viðgerðir, með áherslu á öryggisþætti.
Grunnnám bíliðngreina.
Nemandi skal hafa öðlast þekkingu og skilning á:
Uppbyggingu og virkni mismunandi fjöðrunarbúnaðar.
Þeim kröftum sem verka á bifreið í akstri.
Öryggisreglum og vinnuaðferðum þegar unnið er við fjöðrunarbúnað.
Nemandi skal hafa öðlast leikni í að:
Ástandsskoða og framkvæma viðgerðir á fjöðrunarbúnaði.
Nýta tækniupplýsingar við þjónustu og viðgerðir á fjöðrunarbúnaði.
Nota rétt verkfæri og tæki við þjónustu, bilanagreiningu og viðgerðir á fjöðrunarbúnaði.
Nemandi skal geta hagnýtt þá almennu þekkingu og leikni sem hann hefur aflað sér til að:
Ástandskoða, bilanagreina og þjónusta fjöðrunarbúnað.
Framkvæma viðgerð á fjöðrunarbúnaði á öryggan hátt.
Símat. Verkefni sem tengjast hæfniviðmiðum áfangans verða lögð fyrir og metin.