Farið er í uppbyggingu og virkni rafmagnsteikninga og merkingu helstu tákna samkvæmt DIN staðli.
Gerðar eru æfingar í notkun rafmagnsteikninga við bilanagreiningu og viðgerðir á rafkerfum. Einföld rafkerfi fyrir aukabúnað eru hönnuð og teiknuð. Áhersla er á skilning rafmagnsteikninga og notkun við bilanagreiningu.
Rafmagnsfræði og mælingar.
Nemandi skal hafa öðlast þekkingu og skilning á:
Virkni rafmagnsteikninga.
Helstu táknum rafmagnsteikninga samkvæmt DIN staðli.
Útreikningum við hönnun einfaldra rafrása.
Nemandi skal hafa öðlast leikni í að:
Lesa og skilja rafmagnsteikningar.
Nýta rafmagnsteikningar við bilanagreiningu.
Hanna og teikna einfalt rafkerfi.
Framkvæma viðgerðir á rafkerfum.
Nemandi skal geta hagnýtt þá almennu þekkingu og leikni sem hann hefur aflað sér til að:
Bilanagreina og lagfæra rafkerfi og -búnað.
Hanna og smíða einföld rafkerfi fyrir aukabúnað.
Símat. Verkefni sem tengjast hæfniviðmiðum áfangans verða lögð fyrir og metin.