Í áfanganum er farið yfir uppbyggingu og virkni mismunandi gerða stýrisbúnaðar í bílum. Fjallað er um einstaka íhluti, virkni þeirra og búnaðinn í heild, með og án hjálparátaks. Farið er yfir þjónustuþætti, bilanagreiningu, viðgerðir og hjólastillingar með áherslu á mat á niðurstöðum mælinga. Nemendur vinna verkefni í bilanagreiningum, viðgerðum og hjólastillingum. Farið er yfir notkun verkfæra, mælitækja og tækniupplýsinga, með áherslu örugga umgengni við SRS kerfið.
Nemandi skal hafa öðlast þekkingu og skilning á:
Uppbyggingu og virkni stýrisbúnaðar.
Mismunandi gerðum aflstýra.
Hjólahornum og hlutverki þeirra.
Mikilvægi réttrar stillingar stýrisbúnaðar.
Nemandi skal hafa öðlast leikni í að:
Meta ástand og framkvæma viðgerðir á stýrisbúnaði.
Mæla hjólahorn og meta niðurstöður mælinga. Framkvæma hjólastillingar.
Nemandi skal geta hagnýtt þá almennu þekkingu og leikni sem hann hefur aflað sér til að:
Útskýra virkni og hlutverk einstakra íhluta stýrisbúnaðar og kerfisins í heild.
Framkvæma bilanagreiningu, þjónustu og viðgerðir á stýrisbúnaði.
Mæla hjólastöðu og hagnýta niðurstöður mælinga.
Framkvæma hjólastillingar.
Símat. Verkefni sem tengjast hæfniviðmiðum áfangans verða lögð fyrir og metin.