Fjallað er um uppbyggingu og virkni hemlabúnaðar bifreiða og þá krafta sem þar verka. Nemendur öðlast skilning á virkni íhluta og kerfinu í heild ásamt þeim þáttum hafa áhrif á hemlagetu. Unnin eru verkefni í ástandsskoðun íhluta og kerfis, hemlamælingu og viðgerðum. Farið er yfir notkun verkfæra, mælitækja og tækniupplýsinga (skoðunarhandbókar) með áherslu á öryggi.
Grunnnám bíliðngreina.
Nemandi skal hafa öðlast þekkingu og skilning á:
Uppbygginu og virkni hemlabúnaðar.
Kröfum sem gerðar eru til hemlakerfa.
Virkni hjálparbúnaðar í hemlakerfum.
Öryggis- og vinnureglum þegar unnið er að þjónustu á hemlabúnaði bifreiða.
Nemandi skal hafa öðlast leikni í að:
Útskýra virkni og íhluti hemlabúnaðar.
Ástandsskoða og mæla hemlabúnað.
Nýta upplýsingar úr viðgerðabókum og skoðunarhandbók.
Fara eftir öryggs- og vinnureglum.
Nemandi skal geta hagnýtt þá almennu þekkingu og leikni sem hann hefur aflað sér til að:
Lýsa virkni mismunandi hemlabúnaðar bifreiða.
Ástandsskoða, mæla og sinna viðhaldi á hemlabúnaði.
Nota tækniupplýsingar frá framleiðanda og skoðunarhandbók til að tryggja rétta vinnuaðferð og virkni við þjónustu hemlabúnaðar.
Símat. Verkefni sem tengjast hæfniviðmiðum áfangans verða lögð fyrir og metin.