Unnin eru verkefni í tjónamati og tilboðsgerð. Farið er yfir tímamælingar í tjónamatskerfum og þær sannreyndar. Æfingar í útreikningum á flatarmáli skemmda á ökutækjum. Fjallað verður um raunmælingar réttinga í tjónamatskerfum. Ítarlega verður farið yfir þá möguleika sem tjónamatskerfi bjóða upp á.
Tjónamat
Nemandi skal hafa öðlast þekkingu og skilning á:
Mikilvægi þess að framkvæma nákvæmt tjónamat.
Tjónamatskerfum.
Aðferðum sem notar eru til að mæla tjón á ökutækjum.
Tímamælingum tjónamatskerfa.
Nemandi skal hafa öðlast leikni í að:
Gera nákvæmt tjónamat og tilboð í viðgerð.
Nota tjónamatskerfi.
Framkvæma tímamælingar í tjónamati.
Mæla flatarmál tjóna á ökutækjum.
Nemandi skal geta hagnýtt þá almennu þekkingu og leikni sem hann hefur aflað sér til að:
Meta tjón á ökutæki og gera tilboð í viðgerð.
Vinna við tjónamatskerfi.
Sannreyna tímamælingar tjónamatskerfa.
Símat. Verkefni sem tengjast hæfniviðmiðum áfangans verða lögð fyrir og metin.