Farið er í rekstrar- og starfsumhverfi fyrirtækja og þætti sem snúa að rekstri fyrirtækja og einstaklinga. Grunnatriði bókhalds og bókfærslu verða gerð skil. Fjallað er um grunnatriði gæðastjórnunar og hver munurinn er á gæðakerfi eftir ákveðnum staðli eða eigin kerfi. Áhersla á að þekkja muninn á að marka stefnu og setja markmið og hvernig þessi hugtök tvinnast saman.
Grunnáfangi í stærðfræði
Nemandi skal hafa öðlast þekkingu og skilning á:
Rekstri fyrirtækja.
Rekstri einstaklinga.
Mismunandi félagaformum.
Grunnþáttum bókfærslu og reglum um bókhald.
Grunnatriðum í lánamálum og hugtökunum höfuðstóll og vextir.
Álagningu, framlegð og kostnaðarútreikningum.
Gæðastjórnun og gæðakerfum.
Stefnumörkun og markmiðasetningu.
Nemandi skal hafa öðlast leikni í að:
Greina á milli félagaforma í rekstri.
Vinna með grunnatriði bókhalds.
Lesa úr og útskýra launaseðla.
Útskýra muninn á því að vera launþegi og verktaki.
Útskýra kostnaðaráætlun og kostnaðarútreikning.
Útskýra hvað felst í gæðastjórnun.
Átta sig á mismunandi gæðakerfum.
Útskýra hugtökin stefnumörkun og markmiðasetning og hvernig þau tvinnast saman.
Nemandi skal geta hagnýtt þá almennu þekkingu og leikni sem hann hefur aflað sér til að:
Færa einfalt bókhald fyrir fyrirtæki eða einstakling.
Gera launaútreikninga.
Gefa út reikninga fyrir verktakagreiðslum.
Setja upp kostnaðaráætlun og reikna út álagningu og framlegð.
Gera kostnaðarútreikning.
Gera einfalda lánaútreikninga og nýta sér lánareiknivélar bankanna.
Vinna út frá gæðastjórnun og velja gæðastjórnunarkerfi.
Átta sig á muninum á stefnu og markmiði og hvernig á að marka stefnu og setja sér markmið í fyrirtækjarekstri.
Símat. Verkefni sem tengjast hæfniviðmiðum áfangans verða lögð fyrir og metin.