Þjálfaðar eru aðferðir við að setja saman og stilla viðeigandi hluti bifreiða eftir viðgerð. Farið er yfir þær áherslur sem framleiðendur setja með bil á milli hluta og stillingar í læsingar. Fjallað er um mikilvægi þess að vinna samkvæmt fyrirmælum framleiðenda og nota rétt verkfæri. Nemendur þjálfast í meðferð og notkun aflestrartölvu. Áhersla er lögð er á vönduð vinnubrögð, skipulag og hreinlæti.
Nemandi skal hafa öðlast þekkingu og skilning á:
Aðferðum við að setja saman mismunandi íhluti yfirbyggingar.
Frágangi og stillingu mismunandi íhluta yfirbygginga.
Mikilvægi nákvæmrar samsetningar á bifreiðum.
Mikilvægi notkunar leiðbeininga framleiðenda.
Upplýsingum í aflestrartölvu.
Nemandi skal hafa öðlast leikni í að:
Setja mismunandi íhluti yfirbyggingar saman.
Nota viðeigandi verkfæri og tækniupplýsingar.
Nota aflestrartölvu.
Nemandi skal geta hagnýtt þá almennu þekkingu og leikni sem hann hefur aflað sér til að:
Setja saman mismunandi íhluti yfirbyggingar eftir viðgerð.
Framkvæma lokafrágang og stillingar eftir viðgerð.
Fylgja leiðbeiningum framleiðanda.
Lesa úr og hagnýta upplýsingar í aflestrartölvu.
Símat. Verkefni sem tengjast hæfniviðmiðum áfangans verða lögð fyrir og metin.