Farið er yfir uppbyggingu og virkni hemlakerfa bíla. Fjallað um bilanagreiningu og viðgerðir á mismunandi íhlutum hemlakerfa. Unnin eru verkefni í mati á og viðgerðum mismunandi hluta hemlakerfa. Fjallað um hemlavökva og mikilvægi notkunar tækniupplýsinga.
Grunnnám bíliðngreina.
Nemandi skal hafa öðlast þekkingu og skilning á:
Uppbyggingu og virkni hemlakerfa.
Aðferðum við mat á hemlakerfum.
Notkun tækniupplýsinga.
Íhlutum og efnum sem notuð eru við viðgerðir og þjónustu hemlakerfa.
Nemandi skal hafa öðlast leikni í að:
Framkvæma bilanagreiningu á hemlabúnaði.
Gera við hemlabúnað.
Nota tækniupplýsingar.
Nota viðeigandi tæki og verkfæri.
Nemandi skal geta hagnýtt þá almennu þekkingu og leikni sem hann hefur aflað sér til að:
Framkvæma bilanagreiningu og viðgerð á hemlabúnaði.
Þjónusta hemlabúnað á öruggan hátt.
Símat. Verkefni sem tengjast hæfniviðmiðum áfangans verða lögð fyrir og metin.