Farið er yfir límdar og hnoðaðar samsetningar í bifreiðum. Fjallað er um notkun mismunandi verkfæra við samsetningar á hlutum yfirbygginga. Unnin eru verkefni í samsetningum með lími og hnoðum. Fjallað er um mikilvægi þess að fylgja fyrirmælum framleiðanda og reglum um notkun hlífðar- og öryggisbúnaðar.
Nemandi skal hafa öðlast þekkingu og skilning á:
Aðferðum sem notaðar eru við límdar samsetningar á yfirbyggingum bifreiða.
Notkun viðeigandi verkfæra og tækja til hnoðunar.
Mikilvægi notkunar tækniupplýsinga.
Kröfum framleiðanda vegna ábyrgðar á bifreiðum.
Nemandi skal hafa öðlast leikni í að:
Líma og hnoða mismunandi samsetningar bifreiða.
Nota viðeigandi efni og verkfæri.
Velja réttar aðferðir við samsetningu á mismunandi bifreiðum.
Nota tækniupplýsingar frá framleiðendum.
Nemandi skal geta hagnýtt þá almennu þekkingu og leikni sem hann hefur aflað sér til að:
Líma og hnoða mismunandi samskeyti bifreiða.
Beita mismunandi aðferðum, efnum, verkfærum og tækjum.
Nota tækniupplýsingar á öruggan hátt við framkvæmd viðgerða.
Símat. Verkefni sem tengjast hæfniviðmiðum áfangans verða lögð fyrir og metin.