Farið yfir byggingarlag ökutækja, heiti flestra yfirbyggingarhluta og grundvallaratriði plötumeðferðar við réttingu. Verklegar æfingar í réttingum lausra hluta og frágangi slíkra verkefna. Æfðar þrykkingar með rafmagnsbúnaði. Farið yfir handverkfæri, einfaldan tjakkbúnað, efni, vélbúnað og suðuvélar sem notaðar er við réttingar, þenslu og þrykkingar á plötum. Farið er yfir mikilvægi þess að vinna eftir fyrirmælum framleiðanda og nota hlífðar- og öryggisbúnað.
Grunnnám bíliðngreina.
Nemandi skal hafa öðlast þekkingu og skilning á:
Mismunandi byggingarlagi bifreiða og heitum helstu hluta yfirbyggingar.
Mismunandi aðferðum við réttingar íhluta yfirbyggingar.
Helstu handverkfærum, áhöldum og tækjum sem notuð eru við réttingar.
Hitaþenslu í málmum.
Notkun hlífðar- og öryggisbúnaðar.
Nemandi skal hafa öðlast leikni í að:
Rétta lausa hluti og nota fylliefni.
Þrykkja og rétta með mismunandi aðferðum.
Nota algeng handverkfæri og tæki.
Nemandi skal geta hagnýtt þá almennu þekkingu og leikni sem hann hefur aflað sér til að:
Lýsa mismunandi byggingarlagi bifreiða og heiti helstu íhluta yfirbyggingar.
Framkvæma einfaldar réttingar á yfirbyggingu bifreiða og nota fylliefni.
Beita mismunandi tækjum og aðferðum við réttingar.
Beita viðeigandi réttingaraðferðum.
Vinna eftir fyrirmælum framleiðanda.
Símat. Verkefni sem tengjast hæfniviðmiðum áfangans verða lögð fyrir og metin.