Farið er yfir uppbyggingu og virkni mismunandi hjólabúnaðar bifreiða, fjöðrunar- og stýrisbúnaðar. Framkvæmd bilanagreininga og viðgerða á búnaðinum. Sérstök áhersla er lögð á hjólastöðumælingar og -stillingar. Verkefni unnin í viðgerðum, hjólastillingu og mati á niðurstöðu hjólastöðumælinga. Farið er yfir mikilvægi notkunar tækniupplýsinga og réttrar notkunar tækja.
Grunnnám bíliðngreina.
Nemandi skal hafa öðlast þekkingu og skilning á:
Mismunandi gerðum hjólabúnaðar.
Hjólastillingum.
Notkun tækniupplýsinga.
Notkun mælitækja og mati á niðurstöðum mælinga.
Nemandi skal hafa öðlast leikni í að:
Framkvæma bilanagreiningar á hjólabúnaði.
Framkvæma mælingar og stillingar á hjólabúnaði.
Nota tækniupplýsingar.
Nota hjólastillitæki og meta niðurstöður mælinga.
Nemandi skal geta hagnýtt þá almennu þekkingu og leikni sem hann hefur aflað sér til að:
Framkvæma bilanagreiningu og viðgerðir á hjólabúnaði.
Framkvæma hjólastillingu og mat á niðurstöðum hjólastöðumælinga.
Símat. Verkefni sem tengjast hæfniviðmiðum áfangans verða lögð fyrir og metin.