Farið yfir grunnþætti, nám og félagslega þætti starfa í bíliðngreinum. Farið yfir starfsmöguleika í greinunum. Farið er yfir starfsnámsferlið, gerð samninga um nám á vinnustað og ferilbók. Nemendur læra að koma sér á framfæri, gera ferilskrá og fleira sem tengist atvinnuumsóknum. Æfingar í notkun námsvefs í framhaldsskóla.
Nemandi skal hafa öðlast þekkingu og skilning á:
Mismunandi bíliðngreinum.
Hæfnikröfum hverrar greinar.
Eigin áhugasviði í tengslum við bíliðngreinar.
Tilgangi ferilskráa og því sem þar þarf að koma fram.
Atvinnuviðtölum.
Atvinnuumsóknum.
Gerð samninga um nám á vinnustað.
Ferilbók.
Námsvef skólans.
Nemandi skal hafa öðlast leikni í að:
Tengja eigið áhugasvið við starfsvettvang.
Átta sig á eigin styrkleikum og veikleikum og hvernig þeir nýtast í mismunandi námi og störfum.
Setja upp gagnlega ferilskrá.
Greina á milli hvað eru nauðsynlegar upplýsingar í ferilskrá og hverju má sleppa.
Draga fram eigin kosti í atvinnuumsókn.
Átta sig á hvernig atvinnuviðtöl virka.
Skila inn verkefnum og sækja efni á námsvefinn.
Nemandi skal geta hagnýtt þá almennu þekkingu og leikni sem hann hefur aflað sér til að:
Velja sér viðeigandi nám í bíliðngreinum út frá áhugasviði og hæfni.
Gera hnitmiðaða og vel upp setta ferilskrá.
Skila inn vandaðri umsókn um nám í bíliðngreinum.
Nota ferilbók og gera samning um starfsnám.
Yfirfæra þekkinguna til að búa til vandaðar náms- og atvinnuumsóknir
Símat. Verkefni sem tengjast hæfniviðmiðum áfangans verða lögð fyrir og metin.