Nemendur lesa fræðigreinar sem tengjast bíliðngreinum. Hlustað er á fjölbreytt efni sem tengist bíliðngreinum. Þjálfuð er ritun á enskum texta sem nýtist við dagleg störf í bíliðngreinum. Nemendur öðlast hæfni til að halda kynningar og halda uppi samtali á ensku þar sem notaður er orðaforði bíliðngreina. Nemendur byggja upp orðaforða sem tengist bílum og viðgerðum á þeim. Einnig verður farið í grunn málfræði til að byggja upp faglegan frágang í tali og texta.
Nemandi skal hafa öðlast þekkingu og skilning á:
Orðaforða á ensku sem tengist bílum og viðgerðum á þeim.
Hefðum sem eiga við um talað og ritað mál á ensku í tengslum við bíliðngreinar.
Orðaforða sem gerir honum kleift að tileinka sér með góðu móti lesefni í áframhaldandi námi eða starfi og auðveldar honum nám í viðkomandi grein.
Nemandi skal hafa öðlast leikni í að:
Lesa og skilja texta, svo sem viðgerðarupplýsingar, bæklinga og fræðigreinar með það að markmiði að auka orðaforða sinn og afla upplýsinga.
Undirbúa og flytja kynningar.
Nota orðabækur og orðasöfn (rafræn).
Skrifa texta um margvísleg málefni tengd faggreininni, t.d. tölvupósta, vörupantanir o.fl.
Hlusta á enska tungu og skilja inntak efnisins.
Nemandi skal geta hagnýtt þá almennu þekkingu og leikni sem hann hefur aflað sér til að:
Nýta sér enskan bílaorðaforða til að geta lesið texta og skilið upplýsingarnar sem þar er að finna.
Hlusta á enska tungu og nýta bílaorðaforða til að túlka og skilja inntak.
Skrifað texta sem nýtist við störf í bíliðngreinum.
Beita enska tungumálinu án meiriháttar vandkvæða til að geta tekið þátt í samtali sem nýtist í störfum í bíliðngreinum.
Nota orðabækur og orðasöfn til víkka enskan bílaorðaforða.
Símat. Verkefni sem tengjast hæfniviðmiðum áfangans verða lögð fyrir og metin.