Nemendur læra og afla sér þekkingar á rafíþróttum og eru búnir undir hvernig hægt er að kynna og spila rafíþróttir í nærumhverfi sínu, í félagastarfsemi eða í frístundastarfi. Áhersla er lögð á þá rafíþróttaleiki sem sérstakur áhugi er á eða hentar vel aðstæðum hverju sinni. Nemendur finni hlutverk sitt, til dæmis spilari, þjálfari, eða skipuleggjandi. Nemendur skipuleggja æfingaleiki og sýna frá þeim. Nemendur kynnast áhrifum heilsutengdra þátta sem hafa áhrif á frammistöðu rafíþróttamanns, eins og svefns og næringar.
Nemandi skal hafa öðlast þekkingu og skilning á:
mikilvægi markvissrar og skipulagðrar þjálfunar
mikilvægi heilsu, næringar, hreyfingar og svefns á frammistöðu sína
þjálfun í tölvuleikjaspilun
að halda viðburði innan og utan skóla og leiðbeina öðrum um spilun leikja
hvernig er að vera hluti af góðri liðsheild á jafnréttisgrundvelli
hvernig mismunandi leikir krefjast mismunandi leikni og færni til að gera liðið sem heild betra
markaðs- og viðskiptafræði í rafíþróttum
Nemandi skal hafa öðlast leikni í að:
stunda íþróttina markvisst
öðlast góðan tæknilegan grunn í greininni
iðka fjölbreyttar æfingar og leiki
beita skapandi lausnamiðaðri hugsun
stunda hreyfingu sem styrkir og gefur meira úthald til leikjaspilunar
gera kostnaðaráætlun og markaðssetja viðburði
nýta sér tækni- og miðlalæsi sér og liði sínu til framdráttar
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja tengsl andlegrar, félagslegrar og líkamlegrar heilsu
skipuleggja og halda viðburði
búa til kennslumyndbönd um ýmsa þætti rafíþróttarinnar