Fjallað er um nokkra af afdrifaríkustu atburðum veraldarsögunnar á 20. öld; orsakir þeirra, aðdraganda, atburðarás og afleiðingar. Sjónum er beint að ýmsum sögulegum og umdeildum málefnum og þau skoðuð frá ólíkum sjónarhornum. Skoðuð eru meginatriði í þróun og breytingum á Íslandi á 20. öld.
Saga á öðru þrepi.
Nemandi skal hafa öðlast þekkingu og skilning á:
orsökum, atburðarás og afleiðingum nokkurra afdrifaríkustu atburða veraldarsögunnar á 20. öld
meginhugmyndastefnum 20. aldar
mismunandi tegundum sögulegra heimilda
Nemandi skal hafa öðlast leikni í að:
greina helstu hugmyndir í stjórnmálum á 20. öldinni
skoða hvernig sviptingar í efnahagsmálum og átök milli hugmyndakerfa og ríkja hafa áhrif á framvindu sögunnar
Nemandi skal geta hagnýtt þá almennu þekkingu og leikni sem hann hefur aflað sér til að:
skoða söguleg og umdeild málefni frá ólíkum sjónarhornum
geta sett fram sögulega þekkingu á hlutlægan hátt
beita gagnrýninni hugsun í mati á fréttum og skrifum um umdeild söguleg málefni
Fjölbreytilegt námsmat. Nánar um námsmat í kennsluáætlun.