Í áfanganum er farið í grundvallaratriði eðlisfræði með það að markmiði að nemendur þekki helstu grunnhugtök og nái að tengja þau við fyrri þekkingu og daglegt líf. Einnig gera nemendur einfaldar eðlisfræðitilraunir og þjálfast í túlkun og framsetningu niðurstaðna. Í jarðfræðihlutanum er megináherslan lögð á jarðfræði Íslands og umhverfismál. Loks verða þau vandamál sem mannkyn stendur frammi fyrir um þessar mundir varðandi nýtingu náttúruauðlinda, mengun og loftslagsbreytingar sérstaklega skoðuð.
Nemandi skal hafa öðlast þekkingu og skilning á:
mælieiningum og eðlismassa
hraða og hröðun
krafti, afli, vinnu og stöðuorku
sólkerfinu okkar og þeim hringrásum sem snerta daglegt líf jarðarbúa
umhverfismálum og áhrifum mannsins á lofthjúp jarðar
Nemandi skal hafa öðlast leikni í að:
breyta milli mælieininga
reikna dæmi tengd hraða/hröðun, krafti, afli, vinnu og stöðuorku
nota tæki og tól á rannsóknarstof við einfaldar tilraunir
beita hugtökurm á skilmerkilegan hátt og í rökrænu samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
tengja jarð- og eðlisfræði við umhverfi sitt og daglegt líf
nota undirstöðuatriði jarð- og eðlisfræði við frekara nám
gera sér grein fyrir þeim þáttum sem eru mikilvægir lífi á jörðinni og þeim ógnum sem steðja að lífríki jarðar
taka ábyrga og upplýsta afstöðu í umhverfismálum
Hlutapróf, ástundun, virkni og skýrslur úr verklegum æfingum.