Það kom upp villa senda inn  Áfangi

    Áfangi Nánari upplýsingar


    Búið til: 1509528074.73

    Andlitsmeðferð byrjunaráfangi til sveinsprófs í snyrtifræði
    ANMF1AA07(FB)
    1
    Andlitsmeðferð
    Andlitsmeðferð-byrjunaráfangi
    Samþykkt af skóla
    1
    7
    FB
    Í þessum áfanga eru lærð grunnatriði andlitsmeðferða. Lærð er rétt uppsetning og undirbúningur vinnuaðstöðu, móttöku viðskiptavina, vinnuumhverfi og æskilegar vinnustöður. Áhersla er lögð á grunnþætti andlitsmeðferðar eins og yfirborðshreinsun húðar, andlits-, höfuð- og herðanudd. Kennt er að greina helstu húðgerðir og velja viðeigandi hreinsivörur og andlitskrem. Nemendur læra rétta efnisnotkun í verkþáttum og tengja við áfangann ANMF2AB04.
    Almennt grunnnám samkvæmt námsbrautarlýsingu snyrtibrautar.
    Nemandi skal hafa öðlast þekkingu og skilning á:
    • mikilvægi þess að vinnustaða og stilling vinnustóla séu þannig að sem bestur árangur náist við verklega vinnu
    • fjölbreyttum hreinsivörum sem notaðar eru við yfirborðshreinsun húðar
    • helstu aðferðum við yfirborðshreinsun húðar
    • mismunandi húðgerðum, geti greint á milli þeirra og ólíkra markmiða meðferða
    • æskilegu vinnuumhverfi fyrir andlits- og herðanudd
    • grunnatriðum nudds og aðferðum sem auka hæfni nuddara
    • efnum sem nuddað er með í höfuð- og herðanuddi og geta rökstutt forsendur fyrir vali á efnum
    • ólíkum kremum/serumum með tilliti til húðgerðar og mismunandi umhverfisþátta
    Nemandi skal hafa öðlast leikni í að:
    • setja upp vinnustól á mismunandi hátt með tilliti til andlitsmeðhöndlana
    • setja upp áhaldaborð fyrir andlitsmeðhöndlun
    • taka á móti viðskiptavini og búa um hann fyrir meðhöndlun
    • hreinsa yfirborð húðar með mismunandi aðferðum og hreinsivörum
    • greina grunnatriði mismunandi húðgerða og fylla út viðeigandi greiningablöð
    • sýna fram á viðeigandi undirbúning fyrir höfuð- og herðanudd
    • nudda andlit, höfuð og herðar eftir sænska nuddkerfinu með flæðandi hreyfingum
    • nudda höfuð- og herða í samræmi við húð og vöðvabyggingu viðkomandi
    • hreinsa húð að loknu nuddi í samræmi við nuddefni
    • bera krem og serum á húð í lok meðferðar og beita réttum hreyfingum við það
    Nemandi skal geta hagnýtt þá almennu þekkingu og leikni sem hann hefur aflað sér til að:
    • sýna sjálfstæði í vinnubrögðum og bera ábyrgð á eigin námsframvindu
    • vinna í hóp til þess að auka skilning á verklega þætti námsins og samskiptatækni
    • undirbúa verkþætti og hafa skilning á mikilvægi vandaðra vinnubragða og fagmannlegrar framkomu
    • velja viðeigandi snyrtivörur í meðferð með tilliti til ástands húðar og markmiðum meðferðar
    • skilja við vinnuaðstöðu á viðeigandi hátt og sýna frágang áhalda og efna af þekkingu á mismunandi sótthreinsunarmiðlum
    Símat (vinnueinkunn, verklegt mat, verkefnavinna, kannanir og frammistaða í tímum)