Í áfanganum er farið í sögulegt ágrip rafrænnar háreyðingar og þróun varðandi rafstraum og tæki sem notuð er við hana. Nánar er farið yfir líffæra- og lífeðlisfræði hárs og húðar, auk húðsjúkdóma með tilliti til rafrænnar háreyðingar. Farið er í grunnaðferðir við varanlega háreyðingu með galvaní- og riðstraumi og lögð áhersla á að nemendur geti greint á milli mismunandi aðferða með þeim. Nemendur öðlist grunnfærni við fjarlægingu hára, tileinki sér rétt vinnubrögð við verkþætti og hafi þekkingu á undirbúningi og eftirmeðferð húðar.
Samkvæmt skólanámskrá
Nemandi skal hafa öðlast þekkingu og skilning á:
uppbyggingu og eiginleikum húðar, kirtlum hennar, ónæmiskerfi,og innkirtlastarfsemi líkamans
uppbyggingu hárs og hárslíðurs, vaxtarhring og mismunandi vaxtarstigi hára
ástæðum óæskilegs og óeðlilegs hárvaxtar og hugsanlegum orsökum endurvaxtar hárs eftir meðferð
algengustu húðsjúkdómum með tilliti til rafrænnar háreyðingar, með- og mótrök fyrir meðferð
sögu rafrænnar háreyðingar með tilliti til rafstraumstegunda og aðferða sem hafa verið notaðar
rafstraumsgerðum sem eru notaðar við rafræna háreyðingu og kunna að greina á milli þeirra
ólíkri virkni rafstraums á húð og hári (áhrif, þol og hitamyndun)
helstu siðfræðireglum varðandi meðhöndlun óæskilegs hárvaxtar og þá eiginleikum sem snyrtifræðingur þarf að temja sér þar að lútandi
spjaldskrárgerð fyrir rafræna háreyðingu og forsendum fyrir árangursríkri háreyðingu með rafrænni meðferð
frábendingum og varúðarráðstöfunum við rafræna háreyðingu
mismunandi nálum sem eru notaðar við rafræna háreyðingu og geta borið saman kosti þeirra og galla
tengslum á milli nálarstærðar og straumstyrks með tilliti til hárs og húðar
mismunandi vinnustöðum við rafræna háreyðingu
mikilvægi hreinlætis og sótthreinsunar húðar, nála, áhalda og tækja
Nemandi skal hafa öðlast leikni í að:
skilgreina uppbyggingu hárs og hárslíðurs, hárvöxt og hárvaxtarstig og útskýra áhrif innkirtlastarfsemi á hárvöxt
skilgreina tegundir rafstrauma sem eru notaðar við rafræna háreyðingu, áhrif þeirra og virkni (galvaní-, diathermy-, tvístraumur)
fylla út spjaldskrá fyrir viðskiptavin og greina forsendur fyrir árangursríkri rafrænni háreyðingarmeðferð
mikilvægi hreinlætis og sótthreinsunar húðar, nála, áhalda og tækja
setja upp vinnuaðstöðu fyrir rafræna háreyðingu
velja nálarstærð til árangursríkrar meðferðar
renna nál í hárslíður og skynja forsendur fyrir réttri innsetningu hennar
fjarlægja meðhöndlað hár úr hárslíðri og meta árangur eftir vaxtarstigi þess
meðhöndla húðsvæði eftir háreyðingu og ráðleggja um vörunotkun eftir meðferð heimafyrir
frágangi vinnusvæðis, sótthreinsun áhalda og eyðingu notaðra nála
Nemandi skal geta hagnýtt þá almennu þekkingu og leikni sem hann hefur aflað sér til að:
undirbúa vinnuaðstöðu, setja upp tæki og önnur áhöld sem þarf í meðferð og sótthreinsa og ganga frá að meðferð lokinni
taka á móti utanaðkomandi aðila, útskýra meðferð og undirbúa rafræna háreyðingarmeðferð
undirbúa húðsvæði og velja háreyðingarnál og straumgerð sem hentar til árangursríkar meðferðar
fjarlægja hár með rafrænni meðferð á viðunandi hátt með tilliti til grófleika hárs og húðgerðar
sótthreinsa húðsvæði fyrir og eftir meðferð og veita ráðgjöf varðandi meðhöndlun heimafyrir
Símat (vinnueinkunn, verkefnavinna, skyndipróf, frammistaða í kennslustundum og verklegt próf)