Það kom upp villa senda inn  Áfangi

    Áfangi Nánari upplýsingar


    Búið til: 1490089877.94

    Ferðamálafræði
    FERÐ2FÍ05
    3
    ferðamálafræði
    Ferðalandafræði Íslands
    Samþykkt af skóla
    2
    5
    BA
    Í áfanganum eru kynntir helstu ferðmannastaðir í byggð og óbyggð. Skoðaðir eru ferðamöguleikar og framboð, eftir hverju er að sækjast fyrir ferðamenn á Íslandi. Skoðuð eru helstu einkenni þjóðlífs, menningar og náttúru landsins. Farið er yfir helstu atriði náttúruverndar og skoðað hvernig nýting lands og ýmis afþreying í ferðaþjónustu getur farið saman. Skoðað er hvernig atvinnugreinin hefur byggst upp og hvaða verkferlar eru viðhafðir í stjórnun ferðamála. Nemendur þurfa að þekkja helstu gisti-og hótelkeðjur. Farið er yfir vegakerfi landsins og skoðaðar eru aðrar samgönguleiðir. Kennd er notkun handbóka og upplýsingamiðla um land og þjóð.
    Nemandi skal hafa öðlast þekkingu og skilning á:
    • starfsemi ferðaþjónustunnar sem atvinnugreinar
    • áhrifum ferðaþjónustu á íslenskt samfélag
    • hvernig á að skipuleggja og undirbúa ferðir um Ísland fyrir hópa og einstaklinga
    • hvernig ferðamannahópar hafa mismunandi væntingar með tilliti til markhóps
    Nemandi skal hafa öðlast leikni í að:
    • átta sig á staðháttum á láglendi og hálendi, aðgengi, aðstöðu og aðdráttarafli
    • skipuleggja ferðir fyrir mismunandi hópa með mismunandi þarfir
    • notað handbækur, heimasíður og aðra miðla sem í boði eru
    • lesa úr landakortum, rafrænum kortum og upplýsingum fyrir ferðaþjónustu
    • skipuleggja ferðir með hæfilegum akstri og fjarlægðum
    • raða saman mismunandi afþreyingu og aðdráttarafli í náttúru Íslands á skynsamlegan og ánægjulegan hátt fyrir ferðamenn
    Nemandi skal geta hagnýtt þá almennu þekkingu og leikni sem hann hefur aflað sér til að:
    • þekkja helstu vinnuferla ferðaþjónustuaðila
    • vita hvar helst er að leita upplýsinga um land og þjóð
    • þekkja þolmörk svæða og einstakra staða til að skaða ekki náttúru landsins
    • geta reiknað út verð ferða og hafa skilning á gengismálum í viðskiptum
    • hafa þekkingu á hvar hægt er að fá mat og gistingu á ferð um landið
    • geta kynnt tillögur fyrir væntanlegum kaupanda í máli og myndum
    Fjölbreytt námsmat sem endurspeglar markmið áfangans. Lokaeinkunn byggir á kennara-, sjálfs- og jafningjamati á jafnri virkni og verkefnaskilum nemenda.