Lagður er grunnur að vinnubrögðum í stærðfræði, nákvæmni í framsetningu, röksemdafærslum og lausnum verkefna og þrauta. Meginviðfangsefni eru upprifjun á talnameðferð, einföld algebra og jöfnur. Enn fremur er fjallað um hnitakerfið, jöfnu beinnar línu og hlutfallshugtakið. Fallhugtakið er kynnt og ýmis föll athuguð með hjálp reiknitækja.
Nemandi skal hafa öðlast þekkingu og skilning á:
Talnameðferð og talnareikningi
Forgangsröð aðgerða og algengustu stærðfræðitáknum
Heiltöluveldum
Notkun tákna í stað talna
Undirstöðuatriðum algebru, s.s. liðun, þáttun og vinnu með einföld algebrubrot
Lausn fyrsta stigs jafna
Lausn jöfnuhneppa með tveimur óþekktum stærðum
Prósentu- og hlutfallareikningi
Nemandi skal hafa öðlast leikni í að:
Vinna á nákvæman og skipulagðan hátt með tölur og táknmál stærðfræðinnar
Forgangsraða aðgerðum bæði í talnareikningi og algebru
Beita undirstöðuatriðum algebru til að liða, þátta og vinna með einföld algebrubrot
Leysa fyrsta stigs jöfnur með einni eða tveimur óþekktum stærðum
Einangra eina stærð úr fyrsta stigs jöfnu með mörgum óþekktum stærðum
Vinna með hlutföll og leysa einföld prósentudæmi
Nemandi skal geta hagnýtt þá almennu þekkingu og leikni sem hann hefur aflað sér til að:
Setja margs konar verkefni upp með táknmáli stærðfræðinnar og leysa þau
Beita skipulögðum aðferðum við lausn verkefna og rökstyðja aðferðir sínar
Skrá lausnir sínar skipulega og skiptast á skoðunum um þær við aðra
Átta sig á tengslum ólíkra aðferða við framsetningu
Vinna með merkingu og tengsl hugtaka í námsefninu
Beita frumkvæði, innsæi og frumleika við lausn verkefna
Námsmat er útfært í kennsluáætlun í samræmi við skólanámskrá.