Markmið áfangans er að kynna gildi kvikmynda í nútímasamfélagi en einkum að kenna nemendum grunnatriði kvikmyndagerðar í gegnum stuttmyndagerð. Nemendur kynnast handritsskrifum, helstu þáttum í framleiðslu kvikmyndaefnis og eftirvinnslu. Námið er að mestu verklegt og nemendur skipta með sér hlutverkum og þjálfast í teymisvinnu. Til að standast áfangann þurfa nemendur að framleiða stuttmynd sem þeir frumsýna í lok annar.
Engar
Nemandi skal hafa öðlast þekkingu og skilning á:
uppbyggingu handrits og gildi þess í framleiðsluferli kvikmyndar
gildi hugmyndavinnu
nauðsyn skipulagningar fyrir og við upptökur
grunnatriðum í meðferð kvikmyndatökuvélar, hljóðupptöku og eftirvinnslu
klippingu og grunnatriðum myndmáls í kvikmyndum
Nemandi skal hafa öðlast leikni í að:
vinna úr grunnatriðum handrits fyrir kvikmyndaverk
meðhöndla tæki sem tilheyra kvikmyndaframleiðslu
klippa saman upptekið efni samkvæmt handriti
Nemandi skal geta hagnýtt þá almennu þekkingu og leikni sem hann hefur aflað sér til að:
vinna í teymi
skipuleggja einfalt verkferli út frá handriti
að ganga endanlega frá stuttmynd til sýningar
Námsmat er útfært í kennsluáætlun í samræmi við skólanámskrá.