Talningafræði og mengi. Annars stigs jöfnur. Þriðja stigs jöfnur. Línan, fleygbogi, þriðja stigs föll og vísisföll. Stuðladeiling. Formerkjatöflur. Unnið með föll af hærra stigi í forritinu „GeoGebra“. Formengi og varpmengi, vaxandi og minnkandi föll.
STÆR2RM05
Nemandi skal hafa öðlast þekkingu og skilning á:
grunnreglum talningafræði
helstu hugtökum mengjafræði, talnamengjum og vennmyndum
annars og þriðja stigs jöfnum
hnitakerfi, notagildi gildistafla og formerkjataflna
hallatölu línu og jöfnu beinnar línu á skurðhallaformi
fleygboga
fallhugtakinu
ferlum fyrsta, annars og þriðja stigs jafna
logra og vísisföllum
viðskiptareikningum
Nemandi skal hafa öðlast leikni í að:
beita grunnreglum talningafræði
leysa dæmi með vennmyndum
vinna með helstu hugtök mengjafræðinnar
beita mismunandi aðferðum við lausn annars stigs jafna
leysa einfaldar þriðja stigs jöfnur
gera gildistöflu fyrir jöfnur og teikna graf þeirra
teikna mynd línu sem gefin er á skurðhallaformi og finna hallatölu línu af mynd hennar í hnitakerfi
teikna fyrsta, annars og þriðja stigs ferla með og án tölvuforrits
nota logra reglur við lausn jafna með vísisföllum
nota logra við lausn verslunarreiknings
Nemandi skal geta hagnýtt þá almennu þekkingu og leikni sem hann hefur aflað sér til að:
teikna föll og lýsa þeim í texta
vinna verkefni í „GeoGebra“ forritinu
skrifa texta þar sem notuð eru þau hugtök sem kynnt hafa verið í áfanganum
beita aðferðum sem kynntar eru í áfanganum við lausn ólíkra verkefna
rökstyðja aðferðir og hugsanaferli með skýrum hætti
temja sér góða framsetningu og skipulögð vinnubrögð
orða hlutina með öðrum og e.t.v. skiljanlegri hætti
nýta sér hliðstæður við verkefnaúrlausnir og beita samskonar lausnaraðferðum þegar það á við
skiptast á skoðunum við aðra um stærðfræðileg viðfangsefni
Áfanginn er símatsáfangi. Námsmat byggir annars vegar á lotuprófum og hins vegar á verkefnavinnu. Lotupróf úr fyrri og seinni hluta námsefnisins og tvö hópverkefni. Í hópverkefnum skila nemendur skýrslu þar sem áhersla er lögð á uppsetningu, myndræna framsetningu með notkun tölvuforrita og góðan texta. Nánari útlistun á námsmati kemur fram í kennsluáætlun.