Markmið áfangans er að kynna grunninn í 2D tölvuleikjahönnun. Í áfanganum fá nemendur að búa til nokkra smáleiki og fá auk þess tækifæri til að þróa sína eigin leikjahugmynd og búa til frumgerð út frá henni. Nemendur nota myndvinnsluforrit til að hanna einfaldan tölvuleik í tvívídd. Farið verður yfir hagnýt atriði er varða leikjagerð, auk þess sem leikjaiðnaðurinn er skoðaður og hugtök sem tengjast tölvuleikjagerð.
Nemandi skal hafa öðlast þekkingu og skilning á:
megineinkennum og helstu hugtökum í leikjahönnun
þeim hugbúnaði sem notaður er við hönnun tölvuleikja
vinnuferli leikjahönnunar frá þróun hugmyndar til lokaverks
Nemandi skal hafa öðlast leikni í að:
beita helstu aðferðum við myndmótun í tölvu
nota helstu hjálpartæki, tól og verkferli þess hugbúnaðar sem notaður er í áfanganum
búa til einfalda frumgerð af leik
nýta hugbúnaðinn til að skapa og setja saman efni
Nemandi skal geta hagnýtt þá almennu þekkingu og leikni sem hann hefur aflað sér til að:
kynna hugmynd sína og rökstyðja gildi hennar
tjá sig á skýran, ábyrgan og gagnrýninn hátt um eigin verk og annarra
vinna skapandi hugmyndavinnu sem einstaklingur og sem hluti af hópi
þróa sínar eigin hugmyndir og miðla til annarra
Námsmat er útfært í kennsluáætlun í samræmi við skólanámskrá