Kynning á helstu kenningum, aðferðum og viðfangsefnum fjölmiðlafræðinnar. Áfanginn fjallar um áhrif og innihald fjölmiðla. Unnið er að gerð og birtingu fjölmiðlaefnis.
Nemandi skal hafa öðlast þekkingu og skilning á:
hlutverki fjölmiðla, áhrifum og innihaldi
ferli boðmiðlunar og hvernig sprautu-, tveggjaþrepa- og notagildiskenningar skýra áhrif fjölmiðla á viðtakendur
einkennum hvers miðils og notagildi
einkennum frétta og vinnuaðferðum blaðamanna
Nemandi skal hafa öðlast leikni í að:
vinna fjölmiðlaefni
vinna í hóp og bera sameiginlega ábyrgð á námsafurð sem er birt í ritstýrðum miðli
tvinna saman mynd og texta í nothæfa afurð
Nemandi skal geta hagnýtt þá almennu þekkingu og leikni sem hann hefur aflað sér til að:
meta umfang eigin fjölmiðlaneyslu
vinna eftir ferli nýsköpunar þar sem lausn er fundin á vanda eða þörf sem síðan er fylgt eftir með nothæfri afurð
Þekking er prófuð með prófum, verkefnahefti og/eða ferilmöppu. Leiðsagnarmat, jafningjamat og sjálfsmat.