Farið er í grundvallarþætti sjálfstæðs atvinnureksturs svo sem leyfisveitingar, skráningu og skil á virðisaukaskatti, bókhald og skattalagaumhverfi. Einnig er nemendum kennt hvernig þeir gefa út reikninga fyrir vinnu sína sem verktakar. Nemendur vinna hagnýtt hópverkefni þar sem þeir stofna til nuddstarfsemi, markaðssetja hana og kynna.
BÓKF1IB05
Nemandi skal hafa öðlast þekkingu og skilning á:
hvert á að leita varðandi leyfi til rekstrar nuddstofu og hvaða skilyrði þarf að uppfylla til að leyfið fáist
ýmsum gildandi rekstrarformum
almennri markaðsfræði
skráningu og skilum á virðisaukaskatti
einföldu tölvubókhaldi
helstu skyldum verktaka gagnvart hinu opinbera og lífeyrissjóðum
samningum, ábyrgðum og tryggingum
Nemandi skal hafa öðlast leikni í að:
gefa út reikninga fyrir vinnu sinni og færa sjóðsbók
standa skil á staðgreiðslu og tryggingargjaldi
standa skil á lífeyrisgreiðslum sem sjálfstæður atvinnurekandi
gera virðisaukaskattskýrslur
færa einfaldar færslur í tölvubókhaldi
Nemandi skal geta hagnýtt þá almennu þekkingu og leikni sem hann hefur aflað sér til að:
meta hvaða rekstrarform hentar best viðkomandi rekstri
markaðssetja nuddstarfssemi sína
stofna og reka nuddstofu
gera rekstrar- og efnahagsreikning
Símat. Hagnýt einstaklings- og hópverkefni ásamt skriflegum prófum.