Nemendur lesa íslenska bókmenntatexta 20. og 21. aldar. Þeir fá þjálfun í að greina og túlka smásögur, skáldsögur og ljóð, tengja textana við bókmenntastefnur og setja þá í samhengi við ritunartíma og samtíma. Nemendur rökstyðja skoðun sína á textunum skriflega og munnlega og fá tækifæri til að nýta þekkingu sína og sköpunargáfu. Nemendur fá þjálfun í notkun hjálpargagna við textagerð og munnlegan flutning.
5 feiningar á 2. þrepi
Nemandi skal hafa öðlast þekkingu og skilning á:
hugtökum við greiningu bókmenntatexta
helstu einkennum íslensks máls sem nýtast í ræðu og riti
samningu bókmenntaritgerða
straumum og stefnum í íslenskum bókmenntum 20. og 21. aldar
Nemandi skal hafa öðlast leikni í að:
greina bókmenntatexta
tjá sig munnlega og skriflega á greinargóðu og blæbrigðaríku máli
setja saman ritgerð um bókmenntir
átta sig á eðli bókmenntatexta 20. og 21. aldar
Nemandi skal geta hagnýtt þá almennu þekkingu og leikni sem hann hefur aflað sér til að:
skrifa skýran og vel uppbyggðan texta og geta valið ritstíl eftir viðtakendum
beita tungumálinu á árangursríkan og viðeigandi hátt
tjá rökstudda afstöðu og taka virkan þátt í málefnalegri umræðu
beita gagnrýnni hugsun við lestur, túlkun og úrvinnslu krefjandi texta
átta sig á samfélagslegri skírskotun og duldum boðskap í ólíkum bókmenntatextum
draga saman aðalatriði og miðla á skýran hátt
sýna víðsýni, sköpunarhæfni og samlíðan í málflutningi sínum