Verknám á hjúkrunaheimili eða öldrunarlækningadeild
VINN3ÖH08
1
Verknám
öldrunarhjúkrun
Samþykkt af skóla
3
8
Vinnustaðanámið/verknámið fer fram á öldrunarlækningadeildum eða hjúkrunarheimilum. Verklegur hluti áfangans er 15 átta klukkustunda vaktir á önn. Nemendur vinna jafnframt verkefni tengt viðfangsefnum vinnustaðanámsins. Kennari áfangans, sjúkraliði/leiðbeinandi og deildarstjóri bera sameiginlega ábyrgð á verklegu námi sjúkraliðanema. Nemandi fylgir leiðbeinanda við öll almenn störf sjúkraliða. Í vinnustaðanáminu fær nemandi tækifæri til þess að sýna aukið sjálfstæði við skipulagningu hjúkrunarstarfa og við mat á hjúkrunarþörfum skjólstæðinga, jafnframt að benda á lausnir á þeim hjúkrunarviðfangsefnum sem við eiga á vinnustaðnum. Í upphafi tímabils setur nemandi sér persónuleg og fagleg markmið um verknámið. Á meðan á verknámi stendur skal nemandi fylla út gátlista og ferilbók um unna verkþætti.
VINN2LS08
Nemandi skal hafa öðlast þekkingu og skilning á:
athöfnum daglegs lífs (ADL) við umönnun aldraðra
helstu þáttum sem hafa áhrif á heilsu og lífsgæði aldraðra
forvörnum og slysagildrum í umhverfi aldraðra
fylgikvillum rúmlegu og forvörnum þeirra
helstu hjálpartækjum sem notuð eru í hjúkrun aldraðra
faglegri umhyggju og samskiptum
mikilvægi eftirlits og mats á líkamlegu og andlegu ástandi skjólstæðinga
mælitækjum og öðrum hjúkrunargögnum sem eru notuð í hjúkrun aldraðra
skráningu hjúkrunar á hjúkrunarheimilum og í heimahjúkrun
sjálfsákvörðunarrétti og réttindum aldraðra samkvæmt lögum
Nemandi skal hafa öðlast leikni í að:
meta sjálfsbjargargetu og þarfir aldraðra í athöfnum daglegs lífs
sýna öldruðum virðingu og faglega umhyggju
mæla og skrá algengar athuganir hjá öldruðum
nota helstu hjálpartæki og hjúkrunargögn á viðeigandi hátt
taka þátt í þverfaglegri samvinnu heilbrigðisstétta
útskýra lögvernduð réttindi aldraðra
Nemandi skal geta hagnýtt þá almennu þekkingu og leikni sem hann hefur aflað sér til að:
velja viðeigandi hjúkrunarmeðferð hverju sinni og geta rökstutt hana
a
sýna hæfni í samskiptum við aldraða, aðstandendur þeirra og samstarfsfólk
a
leggja sitt að mörkum í þverfaglegri samvinnu.
hjúkra öldruðum á heildrænan og faglegan hátt.
Leiðsagnarmat þar sem vinna nemanda í áfanganum er metin með reglubundnum hætti ásamt því að skrá í ferilbók og gátlista. Til grundvallar matinu er einkum horft til sjálfstæðis í vinnubrögðum, hæfni í hjúkrunarstörfum og samskiptum við aldraða, aðstandendur og samstarfsfólk. Nemendur gera verkefni sem kennari leggur fyrir og tengist viðfangsefnum deildar og vinnustaðanámsins. Að öðru leyti er námsmatið samkvæmt skólanámskrá hvers skóla.