Í áfanganum er farið í grundvallaratriði efna- og líffræði með það að markmiði að nemendur þekki helstu grunnhugtök og nái að tengja þau við fyrri þekkingu og daglegt líf. Einnig að þeir þjálfist í grundvallarvinnubrögðum við tilraunir í efna- og líffræði, kynnist söfnun gagna, túlkun og framsetningu niðurstaðna.
Nemandi skal hafa öðlast þekkingu og skilning á:
atóminu, lotukerfinu, frumefnum, efnasamböndum og efnablöndum
efnatengjum og nöfnum efnasambanda
efnahvörfum og stillingum efnajafna
helstu flokkum efna í lífverum
byggingu og starfsemi frumna
æxlun lífvera
helstu kenningum um erfðir og þróun
Nemandi skal hafa öðlast leikni í að:
vinna með lotukerfið við lausnir verkefna
gefa efnasamböndum efnaheiti, setja saman efnaformúlur og stilla efnajöfnur
skoða lífverur í náttúrunni og í smásjá
átta sig á einföldum erfðamynstrum
Nemandi skal geta hagnýtt þá almennu þekkingu og leikni sem hann hefur aflað sér til að:
tengja líf- og efnafræði við umhverfi sitt og daglegt líf
nota undirstöðuatriði líf- og efnafræði við frekara nám
taka ábyrgð á eigin lífi m.t.t. líffræðilegra þátta
meta nýjar upplýsingar í líf- og efnafræði á gagnrýninn hátt
Til námsmats gilda hlutapróf, mæting, virkni og skýrslur úr verklegum æfingum.