Nemandi kynnist grunnatriðum permanents og fær þjálfun í að gera skiptingar og rúlla upp nokkrum gerðum upprúlls. Farið er í smitvarnir og öryggisatriði.
Kennd eru grunnatriði hárþvottar og næringarnudds. Einnig eru nemendum kynntar verklýsingar fyrir permanent og þeir fá grunnþjálfun í gerð þeirra og að fara eftir þeim.
Notast er við æfingahöfuð við verklega þjálfun.
Nemandi skal hafa öðlast þekkingu og skilning á:
grunnskiptingum fyrir permanentupprúll.
mismunandi spólustærðum og gerðum.
Nemandi skal hafa öðlast leikni í að:
gera grunnskiptingar fyrir upprúll.
gera upprúll á heilt höfuð.
búa til verklýsingar fyrir permanent.
Nemandi skal geta hagnýtt þá almennu þekkingu og leikni sem hann hefur aflað sér til að:
halda á greiðu á sama tíma og rúllað er upp.
að nota endapappír rétt.
ná jafnri spennu á hári frá rót að enda.
taka skiptingar í samræmi við spólustærð og fyrirhugaða útkomu.