Lögð er áhersla á kynningu á ýmiss konar frávikum í andlegum og líkamlegum þroska. Farið verður í skilgreiningar á ýmsum tegundum fatlana, einkennum og orsökum. Leitast verður við að skoða hvaða áhrif mismunandi fötlun hefur á félagslega stöðu og skólagöngu fatlaðs fólks. Fjallað verður um mikilvægi frumgreiningar og snemmtækrar íhlutunar ásamt því að skoða þjálfunar- og meðferðarþarfir þeirra sem búa við fötlun. Fjallað verður um hvaða áhrif fötlun hefur á einstaklinginn og fjölskyldu hans, mikilvægi réttrar aðstoðar og stuðnings og hvernig eigi að leita eftir þeim rétti sem fólki ber í þessu sambandi. Áhersla er lögð á að efla skilning nemenda á margbreytileika mannlegra aðstæðna og virðingu fyrir öllu fólki.
Engar
Nemandi skal hafa öðlast þekkingu og skilning á:
helstu tegundum skerðinga og einkennum þeirra.
helstu skilgreiningum á hugtakinu þroskahömlun og þeim þáttum sem vekja grun um þroskaröskun af einhverju tagi.
hvert skuli leita ef grunur vaknar um þroskafrávik hjá barni.
helstu atriðum þess að nálgast stuðning eða sérþekkingu vegna ýmissa frávika.
helstu þjálfunar- og meðferðarþörfum fatlaðs fólks.
þeim áhrifum sem fötlun hefur á einstaklinginn og fjölskyldu hans.
Nemandi skal hafa öðlast leikni í að:
greina skerðingar, helstu orsakir þeirra og einkenni.
ræða um hvað felst í hugtökunum fötlun og þroskahömlun.
taka þátt í þeim þjálfunar- og meðferðarúrræðum sem beitt er.
finna upplýsingar um fatlanir og hagsmunafélög þeim tengdum.
miðla upplýsingum um sérúrræði fyrir börn með námserfiðleika.
sjá hvaða áhrif fötlun getur haft á einstaklinginn og fjölskyldu hans.
Nemandi skal geta hagnýtt þá almennu þekkingu og leikni sem hann hefur aflað sér til að:
styrkja hæfni sína til að bera kennsl á mismunandi fötlun, helstu orsakir hennar og einkenni og geta miðlað þeim upplýsingum í mæltu og rituðu máli. Metið með verkefnum og, umræðum.
leysa af hendi verkefni um hinar ýmsu skilgreiningar hugtaksins þroskahömlun sem metið er með verkefni og könnunum.
setja upp einstaklingsmiðaða þjálfunaráætlun í teymi vegna ýmissa frávika með rökstuðningi, munnlegum eða skriflegum. Metið með verkefnum.
taka þátt í umræðum og miðla fróðleik um fatlanir og sérúræði fyrir börn með námserfiðleika sem metið er með umræðum og fyrirlestrum sem nemendur halda.
nota upplýsingatækni til að auka skilning sinn á því hvaða áhrif fötlun getur haft á einstaklinginn og fjölskyldu hans sem metið er með umræðum og verkefnum.
Námsmat er fjölbreytt og byggist á einstaklings- og hópverkefnum byggðum á námsefni frá kennara og upplýsingaleit á neti. Nemendur taka virkan þátt í umræðum um fatlanir og áhrif þeirra á einstaklinginn