Áfanginn er ætlaður nemendum bóknámsbrauta og ætlast er til þess að þeir taki hann ekki fyrr en á útskriftarönn. Í honum eiga nemendur að fræðast um ýmislegt sem þeim stendur til boða að námi loknu, einkum þó framhaldsnám hér heima og erlendis. Nemendur fá kynningu á réttindum og skyldum á vinnumarkaði og hvernig best er að standa að atvinnuumsókn og undirbúningi fyrir atvinnuviðtal. Loks á áfanginn að vera vettvangur fyrir nemendur til kynnast, vinna saman að undirbúningi kveðjuathafnar (dimission) og styrkja til frambúðar tengsl sín við skólann. Nemendur rita dagbók (ferilbók) meðan þeir eru í áfanganum og skila í annarlok.
Nemandi þarf að hafa lokið nógu mörgum einingum til að geta útskrifast á þeirri önn sem hann er skráður í áfangann. Kennslustjórar hafa lokaorð um hverjir mega skrá sig í áfangann.
Nemandi skal hafa öðlast þekkingu og skilning á:
framboði náms hér á landi að loknu stúdentsprófi
ferilskrá, gerð hennar og uppfærslu
helstu réttindum og skyldum fólks á vinnumarkaði
Nemandi skal hafa öðlast leikni í að:
skrá hugleiðingar sínar í dagbók/ferilbók
afla sér upplýsinga um mismunandi námsleiðir hérlendis og erlendis
Nemandi skal geta hagnýtt þá almennu þekkingu og leikni sem hann hefur aflað sér til að:
sækja um nám eða starf að loknu stúdentsprófi
leita réttar síns hjá stéttarfélagi og/eða fagfélagi
taka þátt, með samnemendum, í að kveðja skóla sinn með vinsemd og virðingu
Námsmat byggir á mætingu, verkefnaskilum, ásamt þátttöku í kveðjuathöfn nemenda.