Framhaldsáfangi í málfræði og málskilningi fyrir nemendur með erlendan bakgrunn. Nemendur lesa smásögur og léttlestrarbækur. Haldið er áfram með orðflokka og beygingar auk þess sem farið er í grunnatriði í setningafræði, stafsetningu og ritun.
Nemandi þarf að hafa lokið 5 feiningum í íslensku á 1. þrepi.
Nemandi skal hafa öðlast þekkingu og skilning á:
algengustu fornöfnum, töluorðum og smáorðum og hvernig þau eru rituð
grunnatriðum setningafræðinnar
helstu stafsetningarreglum
orðaforða sem nýtist í framhaldsskólanámi
Nemandi skal hafa öðlast leikni í að:
greina á milli yfirhugtaka, andheita og samheita
lesa texta með réttum framburði, áherslum og hrynjandi
nýta sér algengustu málfræðireglur í töluðu og rituðu máli
nýta sér hjálpartæki á neti við íslenskunámið
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig á talaðri og ritaðri íslensku
afla sér upplýsinga á íslensku er tengist námi og verkefnavinnu
fara eftir munnlegum og skriflegum leiðbeiningum
afla sér þekkingar og upplýsinga varðandi dagleg málefni