Fjallað er um mismunandi aðferðir sem hægt er að nota við sótthreinsun og þann mun sem liggur í hreinu og sótthreinsuðu. Skilgreindar vinnureglur um sótthreinsun og hvernig vinna fer fram samvkæmt þeim. Fjallað er um mun á kemískri sótthreinsun og varma/hita sótthreinsun. Fjallað er um almenn skilyrði, reglur, skilgreiningar og próf er varða eftirlit með sótthreinsun. Gerð er grein fyrir kröfum, leiðbeiningum og alþjóðlegum stöðlum er varða sótthreinsun. Fjallað er um smitgát og forvarnir gegn sýkingum. Lögð er áhersla á varma sótthreinsun (A0 staðall) og kemíska sótthreinsun, ásamt sótthreinsun á mismunandi speglunartækjum. Stjórnun á gæðastöðlum. Förgunarstjórnun. Fjallað er um gæði, öryggi og rekjanleika prófa og stöðu á verkfærum, ásamt mikilvægi þess að huga að starfstengdu öryggi og heilsu.
Almennar greinar og heilbrigðisgreinar
Nemandi skal hafa öðlast þekkingu og skilning á:
almennum skilyrðum, reglum og skilgreiningum á eftirlitsprófum
alþjóðlegum stöðlum, leiðbeiningum og kröfum um sótthreinsun
mismun á milli hreinna og sótthreinsaðra tækja og áhalda
virkni sótthreinsiefna á líffræðilegan vef
gæðastjórnunaraðferðum og mati
vöru- framleiðslu- og förgunarstjórnun
Nemandi skal hafa öðlast leikni í að:
sótthreinsa mismunandi speglunartæki samkvæmt leiðbeiningum og stöðluðum kerfum
meðhöndla úrgang og efni til förgunar á viðeigandi hátt
Nemandi skal geta hagnýtt þá almennu þekkingu og leikni sem hann hefur aflað sér til að:
velja og framkvæma af fagmennsku sótthreinsunaraðferðir fyrir mismunandi tegundir læknisfræðilegra tækja og speglunartækja
beita viðeigandi eftirliti með sótthreinsun
leiðbeina samstarfsfólki og nemendum um sótthreinsun
Heimaverkefni, verkferlar unnir og skilað í formi ferilbókar, stutt próf, tímaverkefni, hópverkefni metið með jafningjamati ásamt sjálfsmati