Áfanginn er beint framhald af VIBS2KU03 og markmið hans er að halda áfram því starfi sem hófst í fyrri áfanga og halda kvikmyndahátíð framhaldsskólanna. Farið er gaumgæfileg í allan rekstur hátíðarinnar, tæknilegar kröfur varðandi sýningar á kvikmyndum, útgáfu dagskrár og móttöku gesta. Ennfremur þurfa nemendur að sjá um að skipa dómnefndir og skipuleggja verðlaunaafhendingu og sjá um innköllun mynda og endursendingu þeirra eftir hátíðina. Loks þurfa þeir að sjá um kynningu í fjölmiðlum og ýmislegt annað sem við kemur slíkum viðburði. Nemendur skipta á milli sín verkum og sjá um framkvæmd hátíðarinnar. Þeir taka einnig fullan þátt í eftirvinnu er hátíðinni lýkur og undirbúa jarðveginn fyrir næstu hátíð.
VIBS2KU03
Nemandi skal hafa öðlast þekkingu og skilning á:
félagslegu gildi listviðburða
gerð dagsskrár og samspili dagskrárliða
nauðsyn verkefnastjórnunar
fjármögnun og markaðsetningu listviðburða
Nemandi skal hafa öðlast leikni í að:
vinna skipulega og eftir áætlun
halda utan um innkomu og útgjöld
leysa að lágmarki tæknileg vandamál
Nemandi skal geta hagnýtt þá almennu þekkingu og leikni sem hann hefur aflað sér til að:
hafa yfirsýn yfir heildarframkvæmd viðburðar
sjá um kynningarstarfsemi vegna listviðburðar
vinna í teymi að uppsetningu og framkvæmd kvikmyndahátíðar framhaldsskólanna
Námsmat er útfært í kennsluáætlun í samræmi við skólanámskrá