Þessi áfangi fjallar um þáttagerð fyrir sjónvarp. Farið er í gegnum ýmsar gerðir sjónvarpsþátta eins og skemmtiþætti, umræðuþætti, spjallþætti, fréttir og fréttaþætti. Skoðuð eru margþætt störf sem tengjast framleiðslu sjónvarpsefnis ásamt stöðu sjónvarps í nútíma samfélagi. Nemendur vinna sjónvarpsþætti innan skólans sem sýndir verða á heimasíðu hans.
Nemandi skal hafa öðlast þekkingu og skilning á:
framleiðslu og uppbyggingu sjónvarpsþátta
samfélagslegu gildi sjónvarps og áróðursmætti þess
aðstoðarmanns(skriftu-)hlutverkinu
hvað eykur áhorf á sjónvarpsefni
Nemandi skal hafa öðlast leikni í að:
greina helstu liði í uppbyggingu sjónvarpsþátta
taka þátt í framleiðslu sjónvarpsþátta
Nemandi skal geta hagnýtt þá almennu þekkingu og leikni sem hann hefur aflað sér til að:
fjalla um gildi sjónvarps í daglegu samfélagi
vinna sem aðstoðarmaður við þáttagerð í sjónvarpi
Námsmat er útfært í kennsluáætlun í samræmi við skólanámskrá.