Þessi áfangi er fræðilegur og skiptist í tvo hluta. Í fyrri hlutanum er farið í gegnum öll helstu kvikmyndaformin allt frá leiknum kvikmyndum til auglýsinga. Teknar eru fyrir nokkrar kvikmyndir, þær rýndar og skilgreindar út frá ýmsum þáttum kvikmyndagerðar. Í seinni hluta áfangans er farið í handritsskrif og nemandinn fær að dýpka skilning sinn á mikilvægi handritsins. Í áfanganum skrifa nemendur stutt handrit út frá eigin hugmynd, atburði eða sögu og þetta handrit getur síðan orðið grunnur að lokaverkefni í KVMG3LO05.
KVMG1ST05
Nemandi skal hafa öðlast þekkingu og skilning á:
helstu kvikmyndaformum og aðferðum þeirra
hvað aðgreinir hin ýmsu kvikmyndaform
myndmáli kvikmyndanna
helstu aðferðum við handritsskrif
hvernig persónusköpun á sér stað í kvikmyndum
Nemandi skal hafa öðlast leikni í að:
greina táknmál kvikmynda
átta sig á duldum skilaboðum
vinna eftir handriti
Nemandi skal geta hagnýtt þá almennu þekkingu og leikni sem hann hefur aflað sér til að:
greina dramatíska uppbyggingu kvikmyndar
skrifa eigið handrit með trúverðugum samtölum og persónum
Námsmat er útfært í kennsluáætlun í samræmi við skólanámskrá.