Í áfanganum er lögð áhersla á markmiðasetningu og lífsstíl. Bæði verður unnið með skammtíma- og langtímamarkmið. Nemendur vinna sjálfstætt verkefni, eigin lífsstíls- og þjálfunaráætlun, sem byggir á þekkingu úr fyrri lífsstíls og hreyfingaráföngum. Nemendur fá fræðslu um gildi þess að lifa heilbrigðu lífi og kynnast fjölbreyttum möguleikum umhverfisins til líkams- og heilsuræktar.
Lífsstíll A, B, C Hreyfing A, B, C, D
Nemandi skal hafa öðlast þekkingu og skilning á:
mismunandi aðferðum til heilsuræktar
leiðum til að nýta líkams- og heilsurækt í daglegum athöfnum
forsendum og áhrifum þjálfunar á eigin líkama, heilsu og líðan
mikilvægi skipulags fyrir heilbrigðan lífsstíl
Nemandi skal hafa öðlast leikni í að:
að setja sér markmið og skipuleggja eigin lífsstíl til lengri og skemmri tíma
nýta sér ýmsar leiðir til að stunda styrktar-, þolþjálfun, slökun og viðhalda liðleika
nýta sér möguleika til heilsuræktar í nánasta umhverfi sem og flétta hreyfingu inn í daglegt líf og starf
sýna frumkvæði, sjálfstæði og seiglu við framkvæmd markmiða
Nemandi skal geta hagnýtt þá almennu þekkingu og leikni sem hann hefur aflað sér til að:
skilja hvaða þættir í eigin lífsstíl hafa áhrif á heilsu og líðan
greina frá afstöðu sinni til heilbrigðs lífsstíls
útbúa sérsniðna áætlun sem hentar honum sjálfum til lengri tíma
setja sér raunhæf markmið og geta breytt eigin lífsstíl ef þörf er á
Námsmat er útfært í kennsluáætlun í samræmi við skólanámskrá.