Í áfanganum vinnur nemandinn sjálfstætt verkefni sem hann velur sjálfur í samráði við kennara. Verkefnið fjallar um íþróttir og heilsurækt í víðum skilningi. Nemandi aflar heimilda og upplýsinga eða gerir könnun sem tengist viðfangsefninu og skilar lokaskýrslu. Nemandinn skal einnig halda fyrirlestur upp úr efni sínu á ákveðnum tímapunkti í samráði við kennara.
Lífsstíll A og B, Hreyfing A, B, C, D
Nemandi skal hafa öðlast þekkingu og skilning á:
því efni sem hann fjallar um í sjálfstæðu verkefni sínu
uppbyggingu og aðferðum við skýrslugerð
hvernig best er að koma frá sér efni á áhugaverðan og skipulagðan hátt
vísan í heimildir og frágang heimilda
Nemandi skal hafa öðlast leikni í að:
að vinna við öflun og úrvinnslu upplýsinga er tengjast hreyfingu og heilsurækt
greina heimildir og vinna með mismunandi tegundir heimilda
tengja saman ýmisskonar efni sem tengist hreyfingu og heilsurækt
skrifa skiljanlegan og lipran texta þar sem faglegum meginatriðum eru gerð góð skil
gera heimildaskrá og vísa í texta
kynna niðurstöður á skýran og áhugaverðan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði við gerð verkefnis tengdu hreyfingu og heilsurækt
greina aðalatriði úr heimildum og skrifa um þau
beita gagnrýnni hugsun við upplýsingaöflun
kveikja áhuga meðal hlustenda og útskýra umfjöllunarefni á skiljanlegan og skipulegan hátt
Námsmat er útfært í kennsluáætlun í samræmi við skólanámskrá.