Í áfanganum fara nemendur í stuttar ferðir um Reykjavík og nágrenni. Skoðuð verður stjórnsýsla, menning og ólík fyrirtæki sem eru hornsteinar nærumhverfisins. Áhersla er lögð á tjáningu bæði í töluðu, rituðu og myndrænu máli og vinna nemendur verkefni út frá þeim heimsóknum sem farið er í. Markmiðið er að kynna nemendum nærumhverfi sitt og menningu, taka þátt í umræðum og kunna skil á þeim stöðum sem heimsóttir verða.
Áfanginn er tekinn samhliða ISLA1BE05 eða ISLA1BT05
Nemandi skal hafa öðlast þekkingu og skilning á:
menningu, samskiptavenjum og siðum í nærumhverfinu
umhverfi Reykjavíkur og nágrennis
aðaláherslum í stjórnsýslu nærumhverfisins
Nemandi skal hafa öðlast leikni í að:
ferðast um Reykjavík og nágrenni
kynna áhugaverða staði fyrir samnemendum sínum
tjá sig á einfaldan hátt skriflega, munnlega og myndrænt um nærumhverfi sitt
Nemandi skal geta hagnýtt þá almennu þekkingu og leikni sem hann hefur aflað sér til að:
hefja samtal með einföldum setningum á íslensku
geta ferðast og heimsótt staði í nærumhverfi sínu
skilja að hluta til stjórnsýslu í nærumhverfinu
Námsmat
Þekking er metin með verkefnum sem unnin eru í kennslustundum.
Leikni er með þátttöku í umræðuhópum og skilningi á verkefnum sem tengjast vettvangsferðum.
Hæfni er metin í verkefnavinnu og virkni í hópasamstarfi.