Markmið áfangans er að nemendur skilji mismun á tvívíðri og þrívíðri myndgerð og auki þar með skilning sinn á þrívíðri hugsun. Nemendur læra að vinna verk í þrívíðri myndbyggingu og setja saman form sem mynda jafnvægi, spennu og sannfærandi heild. Nemendur þjálfast í hugmyndavinnuferli og þróa með sér hugmynd og vinna skipulega og rökvisst að útfærslu hennar. Þeir kynnast meðferð efna, s.s. pappírs, gips, leirs og blandaðrar tækni með skjávarpa, myndvarpa og kvikmyndavél og nýta sér við útfærslu verka sinna. Nemendur gera pappírsverk, verk unnin í tilfallandi efni, rýmisverk og lokaverkefni sem þeir vinna úr efni að eigin vali. Markmið áfangans er að auka sjálfstæði nemenda, frumkvæði, skapandi nálgun og gagnrýna hugsun sem og skilning þeirra og ábyrgð á umhverfi sínu og á sjálfbærni í víðum skilningi.
Nemandi skal hafa öðlast þekkingu og skilning á:
þætti myndlistar og hönnunar í mótun umhverfis
aðferðum við að tjá skilning sinn á margvíslegan hátt á þrívíðri hugsun
hvernig litir, lögun og áferð mynda sjónræna heild
mismunandi efnum og tækjum sem notuð eru við listsköpun
endurvinnslu og sjálfbærni í tengslum við listsköpun
Nemandi skal hafa öðlast leikni í að:
tileinka sér hefðbundnar og óhefðbundar vinnuaðferðir
nýta tjáningarmöguleika efna og forma með fjölbreyttum hætti
skipuleggja verkferli í þrívíðri listsköpun
velja rétt efni við gerð verka
Nemandi skal geta hagnýtt þá almennu þekkingu og leikni sem hann hefur aflað sér til að:
sýna frumkvæði, sjálfstæði og skapandi nálgun
vinna á persónulegan hátt með mismunandi rými og umhverfi
tjá sig á skýran, ábyrgan og gagnrýninn hátt um listsköpun
túlka hugmyndir og menningarlegt umhverfi með notkun forma og efna í mismunandi rými og umhverfi
Námsmat er útfært í kennsluáætlun í samræmi við skólanámskrá